احمد زكريا البهنساوى
 |
احمد زكريا
|
بيتنا القديم الغالي
بقلم احمد زكريا
بيتنا القديم الغالي وجدي ويا اخوالي وستـي وسطيـهم واللمة والزيطة حنيـة الدنيـا كــانت كلها فـ (تيتة ) وحاجات كدة حلوة مقدرش أحكيهم كانت بتسمعني / وكمان تدلعني ومكاني كان حجرها كانت تشوفني بعيط على طول تضحكني وتضمني في حضنها أمـا عن الحكايات كانت بتحكيلي تلعب في شعري كتير بلاقيني فجأة غِفلت نايـم على رجلها بتبصلي بصة مليانة حنية وتقولي إنـت حفيد بس بغلاوة ابنها ولما كنت بغيب بستني أرجعلها . وأشوفها من تاني ! . أنا ستي كات أمي مكانتش جدة وبس صـابها المرض فجأة وخطفها من وسطنا من غير ماحد يحس . مبقتش أحب البيت مع انه كان غالي إكمن في غيابك مبقاش بيحلالي وإزاي هيحلالي من بعد ما غبتي دنا حتى أبقى عبيط وارجع واقول تاني بيتنا القديم الغالي / وجدي ويا اخوالي / وستي وسطيهم لكن في صورة كبيرة متعلقة عالحيط
!
